Klikimi, klikimi
hummogu päälkirju telost,
raadio, televiisor mäng,
olõ ei aigu süvväki,
kohviga autolõ,
latsõ kuuli, joosuga tüüle.
Klikimi, klikimi
päävä pääle kommõntaarõ,
veidü ütte, tsipa tõist.
Klikimi, klikimi
watsuppi, feisbukki,
meili, youtuubi,
telost käskõ jaami perhele.
Klikimi, klikimi,
tüüd teten klikimi,
hinnäst mitmõ ekraani vahel
jaami.
Terve päävä klõpsimi siit
ja säält,
midägi kokko kopimi,
är kodeerimi,
pin’i panõmi –
nii klikimi tüüpäävä lõpuni.
Klikimi, klikimi,
kodo läämi, ekraani läüdämi,
klikimi kümnit kanalit,
viis minutit ütte, katskümmend
tõist,
kõrraga mitu klikki käsil,
üte käegä silmä katõl ekraanil.
Karbisüüki süümi,
tõsõga tiile saadami e-kirä:
„Kuis lätt, mul olõ ei aigu,
armõdu paljo tüüd,
aga prõlla süü.“
Olõmi klikiilma hinnäst kaotanu,
tunnõ hindälgi süüd.
Midä löüdmises tetä?
Vähämb klikki,
löüdä klikivaba tüü?
K
Kommentaare ei ole:
Postita kommentaar