Inemiskund
kõvva kõnõlõs rahust
ümbre lavva kokkutulõkil.
Rahutuvvi liugõlõs
pommõga külvetü tossava ilma pääl,
üle ahivarsi,
nimetä nummõrdõt kääbäste kotsal,
rahutuvvi liugõlõs
paprõlipaku pääl.
Inemiskund
kõvva kõnõlõs rahust-
televiisorin.
Esä ja poja saava surma väerinnan.
Sõatüüstüs om sõal jalun
ei jakku tapariistu:
tankõ ja miine,
suurtükke ja druunõ.
Inemiskund etendäs
näütemängu sõast ja rahust,
poonjatas usust ja õigusõst.
Sõamiis taht kõgõst kodo.
