pühapäev, 14. juuli 2024

Elo om hoitmine (armastus)

 Kiholaisiga suvõ-õdak

  kamminan praksva puu,

  kõrvusi istumi  

  aig sais mi vaihõl

  ülearroliidsi  sõnnota.

 Aig meid kattõ kaes

 mi ütstõist- ütegi sõnata,

 õnnõpissar silmänukan-

 tunnõ, 

 elo om hoitmine ( armastus).


teisipäev, 9. juuli 2024

Ha-ha haiku ( fotol metsporgandid)

 Kui porgand pääses

  peenralt lõid ladvad õide

   lahkus juurikast


Ha-ha haiku

 Raudrohi rauda

 ei ravi või  seegi vaid

 usu küsimus


pühapäev, 30. juuni 2024

Katõkõnõ vislapuuga ( vislapuu sõs kirss)

 Mille ma vislapuu istuti?

 Timäle rammu anna, 

 külmä iist häiermid kaitsa,

 võrguga tsirkõ hiidütä,

 mannakõisi korja,

 kivi vällä tikõlda,

 hämmätüst keedä,

 mille, 

 ku poodist om kõkõ saia?

 Niimuudu jo  

 imä ja vanavanõmbä teivä,

 tulõ takan tetä.

Vissel, kuimuudu  

iintulõva  põlvõ tallitasõ , 

ku kõkõ om  poodist saia?


 


neljapäev, 30. mai 2024

Eestläsest


 Eestläsele miildüs 

 pekk ja hekk.

 Pekk olku läbikasunu,

 hekk tihhe ja korgõ.


Eestläsele ei miildü

 küle kõrval tõõsõ künnerpää

 ja hindä valitu kogo Tuumpääl. 


Eestlänegi olla taht

moodu perrä pop-up

timäl om hindä perma pinnär.


Ja vähä viil tuust

 tiä päävast päivä

 inämb Aaaa-iitäs


laupäev, 25. mai 2024

Savvusann lehekuun

 24.05.2024,

eelä sai täüskuu

vällän tsirelihõngunõ lämmi

 sannan ehtsä ja kuum (mesi)

 õnnõ aig üts silmäpilk

 algusõ ja lõputa

 sõski prõlla ja siin.

 Oll mulli ja mulgiputru

ja pikembät juttu, juttu, juttu



esmaspäev, 13. mai 2024

Hallus hallaüü ( noorkuu eputas ja flirtis virmaliste valguse käes)

 Hall hiilse hilläkõistõ

 ilmsüütüide häiermide mano

  süämest kalõlt käpist-

  himoga.

  Nuurkuu makõt ja hepot

  tiigi pääl.

  Murtusüä, murõ süämen

  pikäle sattõ maha,

  astun hain  krõbisi

  hallõlt jala all.

  Hengel nii hirmus ja 

   hengel nii  hallus, 

   ei lasõ hengätä, 

   õnnõ nuurkuu makõt ja hepot

   põhjavalgusõ käen....



kolmapäev, 1. mai 2024

Jõe juuskva priilt

 Jõe juuskva

 üle kivve

 alt vette sadanu puie

 priilt

 paitadõn pinikiilt.

 Jõõn omma sügävä havva

 pöörüse päält tuu viil,

jõgi om kavval,

ei saisa kunagi paigal

alasi vii ja tuu,

aos kuda eletü elo

mälehstüse ja saatusõ.


reede, 12. aprill 2024

Elämi ütstõõsõst müüdä (hingpuhussin, hing kinni)

 Elämi ütstõõsõst müüdä,

mille külh- murra pääd.

Süäme ussõ om umbõn,

henge hinge rossõdsõ.

Elämi ütstõõsõst müüdä

hingpuhussin , havva veereni,

viimätsel pääväl luutõn,

hengele õnnistust....


kolmapäev, 3. aprill 2024

Keväja hõng

 Keväja hõng om

är minevä lumõ

likõnõ ja undsõnõ,

käsu (kulu) palotamise

suidsunõ,

edimese piksõ

värskine,

lõunatuulõ lämmi,

üükülmä vilu.

Kevväi kipõlt juusk

rändäjäide tsirkõ laulujupi huulil,

 aja himmo ( võrgutab)

nuuri ja vanno.





reede, 15. märts 2024

Talvõ hüvästejätt

 Talv hiitse peoga viil lumõkruupõ,

  päiv pikut pilve all,

  Ilm oll jahedapuulnõ,

  viirpuuhekk varblaisi täüs.

  Talv jätse  mõskmada mustusõ

 tiiviirde ja akõndõ pääle,

pümmede üüde kurbtusõ

sulõteki ja padja  naaldõ.

Talv kopõrd tagasi talvõmaalõ.


teisipäev, 5. märts 2024

Kost leüdä ?

 

Kost leüdä elämise illos kergüs,

ku müüdä om rohkõmb ku iin,

ku joudu viil om, aga ei painu puus,

ku aid  tettü  valmis ,aga viismist olõ ei alusta uut,

ku aig kippas iist, 

aolõ olõt tüüriist,

ütiskunnalõ pini iist,

hauku jo võit,

aga ei johtu sittagi,  

või-olla sõski,  luua viil midägi .🤔🫣










neljapäev, 29. veebruar 2024

Inemskund kõnõlõs rahust

           Inemiskund

    kõvva kõnõlõs rahust

ümbre lavva kokkutulõkil.

      Rahutuvvi liugõlõs

pommõga külvetü  tossava ilma pääl,

              üle ahivarsi,

nimetä  nummõrdõt kääbäste kotsal,

         rahutuvvi liugõlõs 

           paprõlipaku  pääl.

                Inemiskund

       kõvva kõnõlõs  rahust-

               televiisorin.

   Esä ja poja saava surma  väerinnan.

          Sõatüüstüs om sõal jalun

              ei jakku tapariistu:

                  tankõ ja miine,

             suurtükke ja druunõ.

             Inemiskund  etendäs

      näütemängu sõast ja rahust,

        poonjatas usust ja õigusõst.

           Sõamiis taht kõgõst kodo.

teisipäev, 27. veebruar 2024

Ha ha haiku


  Hallivatimees 

 ei leia  taevateed

pilvisest taevast

Ha ha haiku

 



 Tuuli ja Pilvi

 pikutavad pilvedel

 vikerkaar  kõhus