Midä tiiämi Suurõst Riidest,
Kristus risti lüüdi,
tä patu lunast kõiki usklikõ iist,
mi oodami üles tulekit,
Püha Vaim Piiblin kirot nii,
om usk, om usk, om usk.
Allah prohvedile Muhamed
hinnäst ilmut - kirjä panti Koraan
kõik uskliku viis kõrda pääval
Meka poolõ tegevä salaadi
ja kõrra aastan HADŽ’adi
om usk, om usk, om usk.
Budda usk om budism
ei olõ ainumat jumalat,
tii vii kannatusõst virgumiseni,
kogomi karmat,
oodat õnnõ nirvaanat,
om usk, om usk, om
usk.
Esiki uskmatul uma usk
ta usk Taarat, Pekot, Paganid.
Mul hindäl om kimmäs usk,
ma usu, et hää tege hääd ,
ma usu tõnõ su pattõ ei lunasta,
kõik mis tiit tõsõlõ, hindäle saat.
Om usk, om usk, om usk.
Mu usu alustala om
lihtnõ kõnõlus esihindäga,
süämest- kah sõs ku kõkõ om küland - elu hää
ja tennämine mullõ elämises antu elo iist,
eski elo päästoppustõ iist.
Om usk, om usk, om usk,
ma olõ kah peris usklik.
Kommentaare ei ole:
Postita kommentaar