Mu hindä kodukotsalõ ( inspiratsioon telefonikõne kodukohast )

 

Maailmän  om säitse ­ pluss miljärdit

katõ jalaga inemist,

mi külan noist kolmsada  ja  pääle,

kõik tiidvä kõiki,

elätäs ütenkuun risti ja põiki.

 

Uuõs aastas õks  kõigile

soovimi  hääd

kõik hää algusõ saa

esihindäst- mi pääst.

 

Mis olõs ku:

egaüts  meist

pruuv veidü  sündsämb olla,

vasta tullõn

ei lüü silmi maaha,

naaratas ja kõva helüga teretäs,

näge väikut hääd, 

tennäs ja pallõs,

võtt’ julgusõ kõnõldaq õigust

ja vaihõlõ astu

ku  ülekohut näge päält,

ütsüte külen ei võta,

moodu peräst  ei jorisõ,

 

sõs  terve ilm

ja mi hindä küla om

ettemb  ja parõmb paik

 koh ellä.

 

Uuõs aastas õks  kõigile hääd,

kõik hää algusõ saa

esihindäst- mi pääst.