Tulõroas lännu
hulganistõ väiksit ja suuri
asju:
postkaartõ s novõm godom,
vosmova marta,
sünnüpäivis ja nääris.
Viie aasta kaupa
tulõruvvas lännu
püksi ja undruku,
talongõ iist ostõtu sainatäüs
kappõ,
rassõ villadsõ vuudriga palitu,
är peetü saapa ja seeriku.
Är palotanu,
tulõruvvas lännü
üleminevä, minevä põlvõ,
koppõhaisuga koitanu kraam,
mõni rotisitt man,
inneskine asju kogomise vaim.
Puhastustuli,
veidü sulik,
kraamist hüdse,
mälehtämine pään
aoni, kooni olõ kogoja
maakamara pääl.
Kommentaare ei ole:
Postita kommentaar