Mu lõunaeestläne

 

 

Mu lõunaeestläne

om kimmäs kogoja tarrõ ja kuuri takka,

midägi är viskama tä ei nakka,

om külä-ja naabriusko:

ütenkuun eletäs ütstõõsõ ello.

Inämbjaolt ei ole täl paljo rahha,

keväjä pand õks kardohka maaha,

mäletäs vannu kombid ja aigõ,

mitmit näist pidä ka prõlla, ku aigo.

Pikält heietäs inne tüüd,

tüü lõpõs üte jalaga üün,

katõ suupoolõga matsutas suitsulihha,

mõnikord tälle pääle tulõva himo ja viha.

Kimmä meelegä kannahtas ello kotsa pääl riigitä,

kõnõlõs kõvastõ uman keelen:

„Aigo om, kooni hirmsa kipõs lätt.“