Makõhalu ( Nostalgia )

 Pümmega lähä –

villatsõ karupüksi ja soki truubi man ripnõsõ,

valgõ lumõkruubi lämmä käen sulasõ,

paarin talvõsaapa aho man kuiossõ,

väiku latsõ kask säetü siibri külge laokilõ,

kuumas kütetü tarõ ja ligõhidõ rõivastõ hais,

ahost imä võtt´ kardohka,

süüdi ja sõs säng,

hummogus leüge oll´ aho,

põrmand jala all külm:

kas tuu oll mu hindä elo,

vai vana mustvalgõ film,

uso ei, käen omgi keskigä,

pään eläs inneskine vaim –

 

pümmega tulõ,

külmäst talvõst lämmälõ,

tarrõ, miä ahota.