Mu pääliinlanõ
lõunaeestläsest rohkõmb tiin,
egä tõnõ sõna joba inglüse
keeli,
puul elost drive in,
tõnõ puul Dropbox vai iCloud,
sõs viil määndsengi veebin
varavalgõst üüni tallitas,
ello juhtva tuhandõ ruulsi,
(sõnast rule )
standby pääl pääkolun
esäesäde tarkusõ,
uhkõn puurin kassi ja pinni
kasvatas,
sündsäle kotti kobistas junni,
aigu olõ ei, õnnõ in harry,
söögiski suši ja karri,
nii mi elämi kumbki:
umma ja ullimuudu,
aga ütenkuun
liigumi allaminegi poolõ.
Kommentaare ei ole:
Postita kommentaar