Lindsiva, tiidjanaanõ Indiaanlanõ iin,
Punapää, Hipi, Väiku nõid
Ämbliknaanõ, Kübäramoor,
Doc Martensi Kräsupääd vidivä ,
tsäägaparvõn,
luua nail kõigil küland hää,
lindsiva, trehvivä inemistega,
ütskõiksite ja rõõmsamiilsidega,
vahemaandumisel sulgi kobistivä,
Kübäramoori- tõelise proua,
meigikotist huulepunaga patustiva,
Hipi jagasi sõrmkübärast nestet,
nii pääväkõsõ pilvi takast vällä nõidsõva,
sõs õnnõlikult pekk-peki kõrval parvõsannan maandusiva,
higistivä- küürsevä, jõen sulõ tutti kastsõva,
veidü mulli pähä lasksõva,
laulsõva ja tulõ ümbre mitu tundi luuatanstu tantsõva,
kopra es julgu pääd välla panda jõest,
aru saamata- päiv lännü magama- käen üü.
Sõs proua tõlla tellsevä, sõit hekki tagasi,
ja varsti na magasi.
Hummogu proua heräsi,
hekin oll väiku segadik ja
esävarblasõl plaanitu päävätüü.
Kai otsa ja küsse: kas reisi läbi nüüd ,
aig maa pääle tulla tagasi.
Proua mõtli, vara viil,
aga kõvastõ ütli - ma ammu valmis,
sa õks kohmitsõt viil.
Istsõ esävarblasõ kõrval ja hindä ette aroti,
mõnikord nõida panda om ullimuudu hää.
Kommentaare ei ole:
Postita kommentaar