Sõtu sõditas, kellele, mille?

Sõtu sõditas, kellele, mille?

 

Pääle kuuli poiskõsõ

sundkõrran viidi kruunu,

sõs loodõti, ütskõik kohe,

õnnõ mitte Afganistani,

sõta sõditi, kellele, mille?

 

Kõigil es olõ päsemist,

saatus vast,

mõni sääl saigi kuuli,

imä poja kirstu man,

tuhat küsümist huulil,

sõta sõditi, kellele, mille?

 

Mõni tull´ tagasi

mundri ala käkit haavuga,

tõõnõ mundri pääl avvurahaga,

nimä ka tiiä ei,

sõta sõditi, kellele, mille?

 

Vahtsõl aol umast tahtmisõst minti

vabadusõ vai raha peräst.

Mõni sai jälki kuuli,

imä-esä perisi kompõnsatsiooni,

tõõnõ sai hingehäda ja näpuotsaga rahha,

sõta sõditi, kellele, mille?

 

Jõhiku võtnu võimost,

 pelgüs, meelehiitmine,

miljardi vasta taivast,

aga kiäki anna ei vastust,

sõta sõditi, kellele, mille?

 

Aoluust ei opita midägi,

vällän hirmsalõ satas ja tümistäs,

rahvas kohki kõik aig kannatas,

sõtu sõditas, kellele, mille?

---