Ütskõrd närvetüs egä lill

 

Hummogu heränü, kae hinnäst piiglist,

vasta kaes kiäki kortsõga,

suu man paar sügävät vaku.

Võta näpuotsaga prantslasõ määri

näolõ ja kaalalõ,

niisuda, kaidsa,

kõgõst väest edesi touka vanas jäämise värki.

Paar kõrda kuun

kosmeetigu man pikuda,

tä kah kuur ja niisutas,

ma esi ku muumia maskih,

egä rakuga tunnõ haisvat väke.

 

Hummogu heränü, kae hinnäst piiglist,

hoolõga prantslasõ määriga määri:

närvetäse kõik häitsvä lilli,

ütskõrd olli nä ilosa, ilosa.