Eestimaa suvi kinä ja jälle

 Ilm illos ja päiv nii pikk,

kõik kasus ja häitses,

aga hirmsa ja jälle:

kihulasõ,

puugi ni parmu,

põud ja vihm.

Ilm illos ja päiv nii pikk,

kõik häitses ja küdsas,

aga sõski jälle:

pikne tümistäs,

vaablasõ, tsämbläse,

mehitse viimäte tsuskasõ.

Ilm illos ja päiv nii pikk,

hindä aian om piknik,

himo hällün lukõ ja suiku,

aga jälki jälle:

naabrimehe aian nakkas murotapp,

hain piät maakamarast madalamb olõma,

hüürgäse niidümassin, trimmõr,

peräkõrd õhku puhkva hainalõ.

Ilm illos ja päiv nii pikk,

Eestimaa suvi sõski pagana kinä!