Moloraamat tulõtas tihtsäle miilde, Inne ja Prõlla ?
Olku sõs nii, aga ummamuudu.
PRÕLLA pikki kardohkavirksitegä nurmi kon põkatas rootoriga põkats ja inemise pää maan tagaots taiva poolõ mihklikuu algul koogutasõ piaaigu silmä ei nakka. Tõtõstõ ütsiku.
INNEVANASTÕ oll külan egäl perhel vähämbält viistõist saandikku nurmõ kos päämiselt kasvi kardohk ja veidü muud aiavillä ( runkuli kah, loomapiit )
Väiku pindremaa oll haritlaisil
ja ütsikul vanamemmel.Tõisildõ tulõ es pähäki.
Vähä viil tuust, päält kooliaasta algust tull kõigil keskastmõ ja keskkooli latsil sügüse nätäl vai paar sovhoosi vai kolhoosi nurmõ pääl kardohkit üles võtta.
Egä süküs, kaemada ilmalõ ja vasta kõnõlõmada.
Muidoki tull nurmõ pääl kippa vällä egäüte loomus ja olõk.
Kiä sokut kardohkavakka mulda ja kivve, kiä korjas üles üle üte vai varast poolõ vaka kaupa tõõsõlt. Peeti sõtu, pää kotsal linnas kivve ja kardohkit.
Nurmõ pääl tossas tuligi, hüdse sisse visati mugulit küdsämä.
Peris rahata tuu tüü es olõ, vaka iist masti kopikit, vast kümme vai katskümmend, ku õigõlõ meelen om.
Nüüdse ao normõ ja säädüisi perrä,olõs sääne asi latstüüjõu häbütü är tarvitamine. Prõlla tohe ei lats ilma mõlõmba vanõmba loata tüüle minna, raskuisi tõsta ja inne nurmõ pääle sõitmist piäs kõik latsõ nime ja isikukoodiga Massu- ja Tolliametin ku tüütäja är registriirmä, olku vai poolõs pääväs.
Kimmäle es saanu umal aol latsi abiga üles võetu kardohk ausa kauba märki. 🥲
Ja minno ( arvada lugõjaidki) kasutati hübütült är, edimält kotun, sõs vanaimä puul ja aastid Varstu sovhoosi puult.
Tiiä ei, kas nüüd piäs asja kuigimuudu üles võtma. 🤣🤣🤣
No vot ,sääne nallaga poolõs märgotus, INNE ja PRÕLLA.
Mul ei olõ seo aasta kardohka poigagi üles võtta, kuis tiika ?
Lähäti hummõn kardohkit kummardama, lubasi ilosat ilma , vai hüvaste kardohka vabariik.
Olõ ei seodvuuri piltigi panda...✍️🥔🥔🥔🥔
