Vahtsõlt sadanulõ valgõlõ lumõlõ
jälgi jätnü lemmikluuma kõllanõ kusi
pinisita tsõõrik julk-
jälle
Avo ja Aivar palotiva
kamminan põrmandurõivast
vällä kutsuti üts üts kats
esi ütli nimä- lugõ egä sant ,
hallõ.
Kipõabi päält pühhi
pästse riigi raha iist
silmini täüs joodikit
kiä kodu lätsi ja pääle võti,
jälle
Üts rahatuus üle suurõ lombi
käskõ jagasi Euruupa kuningriigilõ
tõõnõ Gröönimaad taht ja Kanadat
manni, manni, manni (money)
jälle
Olõ ei ull rassõ olla,
ümbrigupalgalõ pääle tulõ mass
mesi tervüsele ollõv halv
süümä piät nii, et suurõlõ ilmalõ kasolik
hallõ
Paiuharaku hulgakõisi pundin
pehlaku ette võtsõva
morovarblasõ viirpuu hekin
vile nokan, kaiõ päält
illos
Kommentaare ei ole:
Postita kommentaar