Makõhalu VI ( hainatüü luulõn, aastide perrä ilosamb ku periselt, maalatsõ suvutüü ja kohustus ) Silmä taivan, om mõtõldu, et kõik aig kaeti ilma, haina sai tetä hää ilmaga, tull ette õks kõkõ .

 

Suvõl, silmä taivan

eläjäile tetti haina,

niideti ,  kaarutati,

päiv kuivat’ ja latsõ palasi,

häste läts-

suurriha  kokko  vedäsi.

Silmä taivan,

higi silmän, esi parmuparvõn,

vikluga visati rukka ja rõuku,

viglahand peon veerüt vesiville.

Silmä taivan ,

kuurmameistri juhatamist perrä

viglatäüsi linnas hainu,

 kuurmas, suurõs.

Sõit läts korgõn  tarõ mano,

tuul kuivat’ hiki ni  pelet’ parmõ.

Silmä taivan ,

viglatäüsi linnas haina

ümbretsõõri vällä  kuhja,

tõõnõ jago köksi küüni.

Hainatolm , kõrrõ tsuskman, higi lahmas,

vastakõnõlõmada  vigla välgahti 

sainu viirde hainu sõkati,

suula vahele ja sõkati, sõkati,

pikäs talvõs eläjäile nõnaesist.

 

Hainatüü avvutaso,

magamine küünin,

värski haina hõng,

palju õhku, kiäki  kraabat saina veeren,

katussõ pääl krõbist lämmit.   vihma,

õdak viirdü lühküs hainahõngutsõs suvõüüss,

latsõ  nii väsünü tüüst.

 

Kikas, va herätuskell,

vihalõ aiõ,  

kirgmä nakas väiga varra,

heräsi kana ja mäletseja,

elohelü unõn ja periselt…..