Mart ja Kadri, tulkõ tagasi !

 

Kiäki välän koosõrd´ kaari.

„Kas vaim vai haldja, puuk vai sant?“

tahtsõ teedä ma.

Kuulda oll´, et Must Mart ja Valgõ Kadri

är kolinu omma.

Ei olõvat rõivit: luntõ, kaskit,

valgõt marlet ja tüllist kardinit.

Ei olõvat tüüd,

hääd rüäsaaki,

eläjaõnnõ suuvi ei kellelegi,

nii nä ajama pandnugi.

 

Kiäki välän õks koosõrd´ kaari,

ussõ vallalõ tei.

Kats kurja mustan poiskõst saisõ,

näil lühkene jutt.

„Komm vai pomm?“ küsse.

Pomisi: „Mul õnnõ ubinit om.“

Saiõ ja lännü nä olliki.

 

Mart ja Kadri, tulkõ tagasi!