Vahtsõaasta tull’
Swedbank saatsõ teedüsse,
mõnõ sendi kandsõ mano arvõlõ,
rahvas kesküül põrut pauguga raha
taivalõ,
vähämb ku muidu, kõik olõ ei huidu.
Esäga kõnõli elost ja surmast,
är lännü sugulaisist ja sõbõr Kikust,
miil kurvaline täl ollõ.
Taivaskoan vasta tull’ tutva naanõ,
talvõpäiv kullat Otteni silla
kivist kaarõ,
tuulõhõng tsiputõli puie päält jõkkõ kulda,
rõõmsahe Ahja jõgi tuu pääle juusksõ ja naarsõ,
ilm lätt krõpõss,
vahtsõaasta alost
aolukku astmist
Kommentaare ei ole:
Postita kommentaar