Läbi aknõ kai ello nigu tiatrit:
Ex sünnüpääväs
Exile kinkse lilli
kiä kai noid
ja sõs süämest virut maha,
pansõ suitsu ette
tõmmas paar mahvi
pidäsi plaani
võtsõ häiermä üles
uulitsa otsa vei
korgõ kaarõga
visas prügükasti.
Ku tellitült
prügüautu sõitsõ mano,
roolin naanõ
kai kasti ja
leüdse puketi
es jätä tottõ
mustusõ sisse
tõstsõ kõrvalõ
aga kasti tekse
nigu kõrd ja kohus
tühäs,
puketi võtsõ kabiini üten.
Länik raadiost kõvva laulsõ
Armastab , ei armasta,
ma mõtli
elo nigu tiätrin
ja naisi hengemaast.
Kommentaare ei ole:
Postita kommentaar