Mälehtüse omma ku
nuurõiä salmik
sõpru puult sehkendätü
värsiritu ja piltegä,
ku kuivalilli ja kõrrõlidsi
ütte köüdetü krants' (pärg)
miili pääl alalõ häiremähõnguga
ku pühäpäävä hummogu
unõlämmi säng
ja pannkuukõ hais.
Mälehtüse mudson rean
nigu kastõhelme
hjuusspiinün härmävõrgun,
helgüsse-
varandus kooni elät
alasi alalõ,
ütte jalga astman ( astumas ) hengega
vaikusõ poolõ
tähti takka taivatiil.
Kommentaare ei ole:
Postita kommentaar