Taivas korgõl,
hellesinine, pilvitä, klaar,
sõs kiäki pilve pääl istus,
sälän talaar.
Tõnõkõrd taivan om pilvevatt,
hillä liigus ja kiigus ku
uninõ ätt.
Mõnikõrd taivas pümmembäst
pümmemb,
perotas segäne siiä-sinnä.
Sügüse taivan tinahall tatt,
pilvejuti pikä nõna all.
Taivan om päävä hüvästejätt,
egä minut viimäne.
Lihtsäle saisat, kaet – kunsti
–
peegeldüst viil, valgust,
värmi
mõtsa ja nurmõ pääl,
viil, viil – kipõn viil.
Imeline hüvästejätt inne
üüd,
kurbliganõ ja hallõ.
Mõtlõ,
kohe elost kaos naar.
Kommentaare ei ole:
Postita kommentaar